სიტყვა არქიტექტურა ყოველთვის მისტიურ ასოციაციას იწვევდა ჩემში, ამ სიტყვის გათავისება მრავლის მომცველი იყო. როცა ეს სიტყვა გამოცდილებამ საქმედ და წარმოსახვამ რეალობად აქცია – მე გავხდი არქიტექტორი.
  არქიტექტორი – ეს არ არის რიგითი პროფესია. ეს დიდი პასუხისმგებლობაა იმ გარემოსთან მიმართებაში, სადაც იდეა და ფანტაზია რეალობად უნდა იქცეს. მნიშვნელოვანია გარემო წარმოჩინდეს მისი ყველა დადებითი ფაქტორით – შეულახავი. არქიტექტურა არ არსებობს “შიგთავსის” გარეშე, რომელიც ინტერიერის დიზაინით გამოიხატება. სივრცე, რომელშიც ადამიანები ცხოვრების საკმაოდ დიდ პერიოდს ატარებენ, დიზაინერის მხრიდან რაციონალურ და გულისხმიერ მიდგომას მოითხოვს. ეს ყველაფერი განსაზღვრავს დამკვეთის შემდგომ დადებით და კომფორტულ ცხოვრებისეულ განწყობას.
   𝗠𝗼𝘀𝗮𝗶𝗰𝘀 – ში წარმოდგენილი დახვეწილი კოლექციების საშუალებით შესაძლებელია სასურველი იდეების გენერირება და განხორციელება. ამ “თვალუწვდენელ“ სივრცეში ნებისმიერი გემოვნების მქონე მომხმარებლისთვის მოიძიება ის ფორმა, ორნამენტი და სტილისტიკა, რომელიც განსაზღვრავს მომავალი ინტერიერის კომფორტს.